Isumasioqatigiinneq 2021
Kattuffiit naapinnerat
Nunatsinni inuit innarluutillit peqatigiiffiinit kattuffiiniillu sinniisut 11-t Nuummi Katuami ikinngutigiit inaanni novemberip 27-ani aamma 28.anilu naapissapput.
Isumasioqatigiinnermi “Politikkikkut sunniiniarneq” qulequtarineqassaaq. Nuna tamakkerlugu inuit innarluutillit peqatigiiffii kattuffiilu sinnerlugit isumasioqatigiinnissaraluaq, covid-19-imik tuniluunnerup killilersimaartinnissaa siunertaralugu killilersuisoqarnera tunngavigalugu taamatinneqarpoq, taamaattoq nuna tamakkerlugu kattuffiit sinnerlugit peqataasut amerlanngtisut kattuffiit naapisinneqarnerannut aggersaasoqarput. Taamaasilluni Tiliup ukiumoortumik soqutigisaqatigiinnik isumasioqatigiisitsisarnissani naammassivaa.
Arfininngorneq 27.november
Nal. 10.00: Katuami ikinngutigiit inaanni.
Tikilluaqqusineq weekendiimilu pilersaarutinik saqqummiineq.
Inuit innarluutillit illersuisussaat Anya Hynne Nielsen ilisaritillugu.
Kattuffiit peqatigiiffiillu sulinerminni misilittagaat.
Misilittakkanik avitseqatigiinneq soorlu oqariartuutit, sunniutilimmik isummersorsinnaaneq aamma sunniisinnaaneq.
Nal.12.15- 13.00: Ullup qeqqasiorneq
Nal. 13.00-14.00: Mette Frandsen, Inuit pisinnaatitaafiinut instituttimi naligiissitaanermut siunnersuisarfimmi innarluuteqarnermut tunngasunik suleqatigiinni siunnersorti.
Politikkikkut suliniarnermi isumassarsiorneq
Nal. 14.00: Unillatsiarneq
Nal. 14.00-15.00: Sunniuteqarfiit sammillugit:
Najukkatsinni nunatsinnilu qanoq sunniuteqarsinnaavugut
Sapaat novemberip 28.-at
Nal. 10.00: Katuami Ikinngutigiit inaanni
Ullormut pisussanik saqqumiineq
Nal. 10.15-11.00: Sermitsiaq.ag-imi tusagassiortoq Kassaaluk Kristensen
Tusagassiuutini ersarissumik oqariartuuteqarneq – Periutsit aamma paasissutissat iluaqutaasinnaasut.
Nal. 11.00-11.10: Unillatsiarneq
Nal. 11.10-11.20: Tilioq tusagassiuutillu
kiisalu attaveqatigiinnermut pilersaarut
Nal. 11.20-.12.15 Eqimattami suleqatigiilluni
attaveqatigiinnermut iliuusissatut pilersaarusiorneq
Nal.12.15-13.00: Ullup qeqqasiorneq
Nal. 13.00-13.20 Sara Fleischer
Inuit innarluutillit siunnersuisoqatigiivini sulinermik misilittakkat kiisalu ilaasortanngortussanut siunnersuutitsialaat pillugit saqqummiissaaq
Nal. 13.20-13.50 Sammiumasat 3 toqqarlugit.
Suut isumaqatigiissutigalugit suliassarissavagut kiisalu kattuffiit ilaasortaannut qaqilerumaarpagut suleqatigissutigineqartussat eqqarsaatigalugit.
Nal. 13.50- 14.00: Unillatsiarneq
Nal.14.00-15.00: Peqatigiiffiillu suleqatigiissutissat
peqatigiiffiit suleqatigiissutigisinnaasaannik eqqartuineq, suut ilisimasat kiisalu isumalluutit pigaavut qanorlu suleqatigiissinnaavugut.
Iliuusissatut pilersaarusiorneq