Inatsisartunut ilaasortaq Sofia Geisler pulaarpoq

Inatsisartunut ilaasortaq Sofia Geisler inuit innarluutillit ilinniagaqalernissamut periarfissaat paasisaqarfigiumallugit Tiliumut juunip 25-ani pulaarpoq.
-Innuttaasut aamma sullissisut inuit innarluutillit ilinniagaqalerniarnerannut tunngatillugu oqariartuutigisartagaat saqqummiuppagut.

Meeqqat atuarfianni immikkut atuartitsinissamut piginnaasalinnik ilinniartitsisunik amigaateqarnera pillugu oqariartuuteqarpugut, meeqqallu atuarfiata kingorna inunnut innarluutilinnut naleqqussakkanik ilinniaqqiffiusinnaasunik amigaateqartoq, Inuit Innarluutillit Illersuisuat Christina Johnsen oqarpoq nuannaarutigaalugu Sofiap pulaarnera, Inatsisartunilu ilinniartitaanermut ataatsimiititaliamut Tiliumiit oqariartuutitta anngutissammagit qujaffigalugu. Tiliup ilinniartitaaneq innarluuteqarnerlu pillugu naliliinerat sammineqarpoq.