Tilioq suliniutinut suleqataasussamik pissarsiorpoq

Inuit allat atugaat pitsanngorsarniarlugit suleqataarusuppit? Inuit innarluutillit oqaaseqartartoqarfiata Tiliup ullut tamaasa Naalagaaffiit peqatigiit inuit innarluutillit pillugit isumaqatigiissutaat naapertorlugu inuiaqatigiit iluanni inuit innarluutillit soqutigisaasa isumannaarnissaat siuarsarneqarnissaallu sulissutigisarpaa. Allannguinissaq annertooq anguniarlugu sulerusuppugut Kalaallit Nunaat inunnut innarluutilinnut akuunerulerfiusoq angorusullugu. Tamanna pillugu AC-fuldmægtigimik tunniusimasumik, torersumik angusaqarusuttumik suliniutinut tunngassutilinnut aamma politikkinut imaluunniit soqutigisaqaqatigiit kattuffiinut tunngasunut misilittagaqartumik pissarsiorpugut.

Atorfik pillugu nalinginnaasumik nassuiaat

Suliniutinut suleqataasoq / siunnersorti suleqatissatta suliniutit misissuinerillu pillugit tunniusimalluni suliaqarnermigut inuit innarluutillit oqaaseqartartuannut Tiliullu suliaanut tamanut ikiortaalluassaaq. FN-ip innarluutillit pillugit isumaqatigiissutaa toqqammavigalugu Tilioq Kalaallit Nunaanni inuit innarluutillit soqutigisaat, periarfissaat naligiissitaanissaanillu suliaqartuuvoq. Peqatigiilluta inuit innarluutillit atugaat pillugit tigussaasumik kinguneqartussamik pitsanngorsaaqatigiissaagut. Suliniutinut suleqataasutut / siunnersortitut sulisutta akisussaaffigissavaa suliniuteqartut akornanni ilisimasalinnut tapertariissunut aqutsisuusarnissaq, taamatullu innarluutilinnik sullissinermi ineriartortitseqataallunilu sunniuteqartarnissaq. Illit – allattoqarfiup aqutsisua sulisullu allat qanimut suleqatigalugit – Tiliup siunertaa periusissatullu siunniussimasaata piviusunngortinnissaa sulissutigissavarsi.

Suleqatigiit ikittunnguuvugut tamatta immikkut suliassaqarlutalu suliniuteqartuulluta, taamaattoq pisariaqarfiini immitsinnut nukittorsaqatigiittarpugut kaammattoqatigiittarlutalu. Inuit innarluutilllit oqaaseqartartoqarfia maannakkut arfinilinnik sulisoqarpoq suliniutinut suleqataasussarput / siunnersortitut taakkununnga ilanngullugu.

Tilioq Sisimiuni illoqarfimmi alianaatsumi inissisimaffeqarpoq, pingaarnermillu tassani sulisassaatit. Atorfimmut atatillugu angalasarnissat naatsorsuutigisariaqassavat.

Suliassatut pingaarnerit / piginnaaneqarfiit

• Attaveqaatitigut suliassat tassunga ilanngullugu Tiliup inoqatinut
• Inunnut innarluutilinnut tunngassutillit politikikkut aalajangiisartunut sunniisartussatut paasissutissiilluni suliaqartarnerit sammisaqartarnerillu pilersaarusiorlugillu
• Suliniutit pillugit nalinginnaasumik suliaqarneq, inuit innarluutillit inatsisitigut innarlitsaalineqarnissaat immikkut ukkataralugu taamatullu inuiaqatigiit iluanni innarluutillit pillugit qaammaasaqarnerulernissaq siunertaralugu
• Assigiinngitsunik allakkianik suliaqarneq, tassani ilaalluni tusarniaanermi akissuteqaatit, policy briefs, saqqummiussat, nalunaarusiat, aningaasaateqarfinnut qinnuteqarnerit allakkiat il.il.
• Innuttaasunik ataatsimiisitsinerni, ataatsimeersuartoqartillugu assigisaanillu pisoqartillugu oqallinnermi aqutsisuusarneq.
• Inuit innarluutillit oqaaseqartartuata sulinerani ingerlaavartumik nalinginnaasumillu

Ilinnut tunngasut

Inunnik inuillu pisinnaatitaaffiinik soqutiginnittuussaatit. Attaveqaqatigiinnermi ilisimasaqalluassasutit, oqaatsitigut allaaserinninnermilu. Tamatuma saniatigut misissueqqissaartartuussaatit, suleqatigiinnissamik pingaartitsisuullutit suleriaasinnilu kajumittuullutit. Suliniutinut tunngassutilinnut sungiussisimasuussaatit ataqatigiissaarillaqqissuullutit aaqqissuussillaqqissuullutillu, politikikkut aqutsisoqarfinni sulinermik misilittagaqaruit iluassaqaaq (soorlu kattuffilerinikkut, NGO-ni naalakkersuisoqarfinniluunniit),

inuiaqatigiit kalaallit oqaasii, kulturiallu pillugu ilisimasaqassaatit. Nalitsinni Kalaallit Nunaanni innarluutilinnut, isumaginninnermut, ilinniartitaanermut peqqinnissaqarnermulluunniit tunngassutilinnik ilisimasaqaruit iluaqutaassaaq naak immikkut piumasaqaataanngikkaluartoq.

Pisortanit politikerinillu Tilioq pillugu naatsorsuutigineqartartut annertusinnaallutillu qaffasissuusinnaasarput, tamanna pissutigalugu pingaaruteqarpoq ulluinnarni ulapaarfiutillugu avatangiisit allanngorartut iluanni suliat ataatsikkoortut aqussinnaassagukkit.

Tamakku pillugit neriuutigaarput illit

• Akademiskimik naapertuuttumik ilinniagaqartuusutit, ass. isumaginninnermik ilisimatusarsimasoq, inuiaqatigiilerinermi ilisimatusarsimasoq, tusagassiortutut ilinniarsimasoq allaffissornermi politikikkulluunniit, saniatigullu tamakkunani misilittagaqassasutit.
• Allattariarsornikkut pikkorissuusutit inatsisilerinermullu tunngassutillit paasiuminarsarlugit ingerlateqqissinnaagitit.
• Inoqatit qarasaasiakkut attaveqaatigisartagaat aqqutigalugit tapersersortissarsiortoqartillugulu tamakku imassai, oqaluttuat, assit videolu atorlugit pilersaarusiortarnissamut piginnaaneqarluassaatit.
• Kalaallit Nunaanni nalitsinni innarluutilinnut tunngassutillit ilisimasaqarfigissagitit, taamatullu isumaginninnikkut, ilinniartitaanikkut peqqinnissaqarnikkullu misilittagaqartuusutit, tamakku pitsaaqutaassammata.
• Inuit assigiinngitsuusinnaanerat inissaqartikkit, taamatullu inunnik
• Nammineersinnaasutit, eqaatsumik pissuseqartutit, suliat pillugit naapinniaassuseqartutit nutaanillu pilersitsinnaasutit.
• Kalaallisut aamma / qallunaatut aamma / imalt. tuluttut nunaniluunniit avannarlerni oqaatsit arlaannik allattariarsornikkut oqaluttariarsornikkullu piginnaaneqassasutit.

Tiliumi suleqatigiit ikittuuvugut, taamaattumillu pingaartuuvoq inuk piukkunnartoq atorfinitsissallugu, taamaattumik qinnuteqartut piginnaasii piukkunnaataallu ataatsimut isigalugit qanoq innersut qimerluussavagut.

Neqeroorutigaarput

Atorfik allanngorartunik pissanganartunillu imaqartoq, sunneeqataaffigisinnaasat, aammattaaq atorfiup iluani timitaliinissamut annertuumik sunniuteqaqataasinnaavutit – inuit allat inuunerannut pitsaaqutaasussamik. Suliffeqarfik innarluutillit atugaat pillugit qanimut malinnaasoq suleqataaffigissavat, inuit innarluutillit atugaat pillugit tigussaasumik pilersitserusuttoq tamakkuninngalu sammisaqarnikkut ilinniarsimassutsikkut kivitseqataarusuttoq. Tiliumi avatangiiseq suliassat tungaasigut suleqatigiinnerullu iluani tiguartinnartoq neqeroorutigaarput, suleqatit kajumittut pilersitsisinnaalluartullu, suliassallu pissanganartut allanngorartullu.

Suliffeqarfiuvugut ulluinnarni sulinermi avatangiisit suleqatigiinnerillu tamat pitsaasuunissaanik pimoorussisut. Tiliumi suliffiup angerlarsimaffiullu oqimaaqatigiilluartinnissai pingaartitaraarput, ass. angerlarsimalluni sulisinnaanissaq eqaatsumillu sulinerup aaqqissuunnissaa eqqarsaatigalugu. Suliffeqarfik assigiinngiiaassusermik pingaartitsisoq suliffimmilu avatangiisit pitsaasuunissaannik pimoorussisoq.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Atorfik piffissaq tamakkerlugu sapaatip akunneranut akunernik 40-nik suliffiuvoq. Atorfimmulli isumaqatigiissuteqarnikkut ullup affaanut suliffittut isumaqatigiissuteqartoqarsinnaavoq.

Najugaq

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Atorfik pillugu annertunerusumik paasisaqarusukkuit, innarluutillit illersuisuat Anja Hynne Nielsen saaffigisinnaavat, oq. +299 262871 iml. e-mail: anja@tilioq.gl

Qinnuteqaatit aamma CV pappiaqqallu naapertuuttut ilanngullugit uunga nassiutikkit: anja@tilioq.gl kingusinnerpaamik 23. februar 2024 – qinnuteqaatit oqaloqatiginnittarnerillu pappiaqqat naapertuuttut toqqammavigalugit ingerlaavartumik ingerlanneqassapput, najuulluni naapinnikkut videokonferencikkulluunniit.

Kikkulluunniit piukkunnaateqartut soqutiginnittullu qanoq ukioqaraluartut, suiaassuseqaraluartut, inuiaqatigiinnut suugaluartunulluunniit tunuliaqutaqartut, upperisaqartut innarluuteqaraluartut kaammattorumavagut qinnuteqaqqullugit.

Tilioq pillugu nittartakkatsinni uani annertunerusumik paasissutissanik alakkarterisinnaavutit:
www.tilioq.gl