Inunnut innarluutilinnut illersuisoqarfik Tilioq praktikkertussarsiorpoq

Inunnut innarluutilinnut illersuisoqarfik Tilioq, allatseqarfik uummaarissoq nutaamillu
pilersitsiffiusoq, Sisimiuniittoq forårssemesterimi 2023-mi ilinniartumik
praktikkertussarsiorpoq.


Prakrikkerfissaq: 1. februaari 2023 - juunip naanera 2023 (forårssemesteri 2023)

Tilioq pillugu


Inunnut innarluutilinnut illersuisoqarfik Tilioq Sisimiuniittoq FN-ip Innarluutillit pillugit
Isumaqatigiissutaat malillugu innarluutillit pillugit suliaqarfimmi sunneeqataarusuttumik
ineriartortitseqataarusuttumillu praktikkertussamik ujaasivoq.


Allanngueqataarusuppit pingaartumillu isumalimmik praktikkerfeqarusullutit? Taava
periarfissaqarputit Tiliup allatseqarfiani suleqataalernissamut. Allatseqarfik peqatigalugu
inuit innarluutillit atugassarititaanik ullormut oqaluuserisassatut aallartitseqataasinnaavutit.


Suliffeqarfiuvugut mikisoq, allatseqarfimmilu sulisut pingasuulluta: inuit innarluutillit
illersuisuat, suliniutinut sulisoq aammalu innuttaasunut siunnersorti. Nuannersumik
suleqatigiittut ataqatigiippugut, suliagut assigiinngikkaluit qanimut suleqatigiittarpugut.
Taamaammat ataqatigiissumik suliffimmi suleqateqarnermik nuannarisaqartuunissat
pingaartipparput.


Praktikkerfissaq pillugu


Praktikkerfimmi suliniutinut tunngasunik suliaqarnissaq ilimagissavat, projektini
assigiinngitsuni peqataanissaq, projektinik aallartitseqataanissaq imaluunniit projektinut
aallartereersunut ilanngunnissaq ilimagissavat.


Tiliumi projektit arlallit assigiinngitsut ataatsikkut ingerlattarpagut, suliassallu nutaat
ingerlaavartumik takkussuuttarput politikkimi innarluutillit pillugit suliaqarfimmi
ineriartortinneqartut malillugit, taamaammat suliassatit assigiinngisitaartuusinnaapput.
Allatseqarfitta mikisuunera peqqutaalluni suliffimmi, suliatsinni innarluutillillu pillugit
suliaqarfimmi ineriartortitsinitsinni, sunneeqataasinnaavutit.


Pingaarnertut suliassatit ukuupput:

  • Tiliup ukiumoortumik innarluutillit peqatigiiffiini isumasioqatigiinnissaanut aamma
    innarluutillit pillugit soqutigisaqaqatigiinnut ataatsimeersuaartitsinissaanut
    pilersaarusiornerit naammassinninnerillu
  • Tusagassiorfinnut nalunaarusiornerit, quppersagaaraliorneq, nalunaarusiorneq,
    paasissutissanillu allanik allanneq
  • Tiliup oqariartuutaanik sociale mediakkut paasissutissiinermut peqataaneq
  • Innarluutillit peqatigiiffii inuillu innarluutillit suleqatigalugit
    tapersersortissarsiornermi ineriartortitseqataaneq
  • Innuttaasut pisinnaatitaaffiinik siunnersuinerit ilitsersuinerillu
  • Tusarniaaneermi akissutinik suliaqarneq

Piginnaasatit


Takorloorparput qaffasinnerusumik ilinniartitaanermi, assersuutigalugu human- imalt.
socialvidenskabimi, tusagassiutilerinermi, inatsisinik ilisimatusarnermi, inuiaqatigiilerinermi
imaluunniit allaffissornermi politikkimiluunniit ilinniartuunissat, allanilli pikkoriffeqaruit
ilinniagaqarlutilluunniit aamma qinnuteqarnissamut tikilluaqqusaavutit.


Inunnik isumaginninnermi politikkikkullu suliaqarnermik soqutiginnittuunissat aammalu
pisinnaatitaaffilerinermik soqutiginnittuunissallutit.


Atuagarsorluni (teoretisk) misissueqqissaartumillu (analytisk) suliaqarnermik
sungiussisimasuussaatit, projektinik tunngaveqarluni aammalu datanik najoqqutanillu
anneertunerusunik najoqqutaqarlutit suliaqarsinnaasuussaatit. Paasisassarsiornermik
(research) allannermillu nuannarisaqartuussaatit. Imaluunniit filmiliornermi sociale
medialerinermiluunniit misilittagaqartuusinnaavutit.


Uummaarissumi, ataqatigiiffiusumi, ulluinnarnik allanngorarfiusumi nutaanillu suliassanik
pilersitsiffiusumi, suleqateqarlunilu suliffimmi sulinermik iluarisaqartuussaatit.


Piukkunnaatillik soqutiginnittullu tamarmik ukiut, suiaassuseq, race, upperisaq, innarluut
imaluunniit immikkut inuiaassuseq apeqqutaatinnagu qinnuteqarnissamut kajumissaarivugut.


Paasissutissat allat

  • Tilioq inissamik ujaasinermi ikiuukkusuppoq (kollegieværelse)
  • Atorfik akissarsiaqanngilaq, SU-siaqarnissat allamiilluunniit isertitaqarnissat
    pitsaassaaq
  • Sisimiunut utimullu angallssinermi akiligassat Tiliup akilissavai aamma
    praktikkernermi suliassat pillugit angalanermi akiliussissaaq


Tilioq Sisimiuni allaffeqarpoq, nunamut kulturimullu qanittoq. Sisimiut immamut qanippoq,
kisianni aamma qaqqanik ungalusimavoq. Aasakkut qorsooqqittarpoq umiatsiamillu
angalanissamut, qaqqani pisuttuarnissamut, aalisariarnissamut periarfissaqarpoq. Ukiukkullu
sisorarneq (ujakkaarneq aamma sangusaarneq), qimusserneq, Sisimiut polarcirkelip
avannaatungaaniikkami kalaallit qimmiinik qimmeqarpoq, polarcirkelip kujataatungaani
naassaassaanngitsunik. Arsarnernik isiginnaarnissamut periarfissaqarpoq. Sisimiut
illoqarfiuvoq snescooterernissamut periarfissalik, Kalaallit Nunaata snescooterini
allassimasuni pingasoraarterutai Sisimiuni allassimapput. Sisimiut katersugaasiveqarpoq,
kulturikkut illorsuaqarpoq filmertarfittalik, imerniartarfeqarpoq, nuersaanermi klubbeqarpoq,
amerlasuunik pisiniarfeqarpoq, timersortarfeqarpoq aammalu sauna & spa. Amerlanngitsunik
neriniartarfeqarpoq illoqarfiullu thai take away-ia pitsaanerpaaq allaffiup akianiilluni,
taamaammat ilimanarpoq misilikkumaarit.


QINNUTEQARFISSAQ


Qinnuteqarnissamut killissarititaasoq 30. Novembari 2022, ingerlaavartumik
oqaloqatiginnikkiartoqqusisarumaarpugut. Soqutiginnikkuit qinnuteqaammik naatsumik,
annerpaamik quppernermik ataatsimik takissusilimmik, CV ilanngullugu info@tilioq.gl-imut
nassiutiguk.


Apeqqutissaqaruit Drude Daverkosenimut sianersinnaavutit +299 345092-imut imaluunniit
drude@tilioq.gl-imut allallutit.