Tilioq festivale: Live, Laugh, Leave no one behind
Festivalemi innarluuteqarneq pillugu paasisaqartoqarsinnaavoq, inuit inarluutillit peqatigiiffiini ilaasortat naapillugit,
imaluunniit inuit innarluutillit qanigisaasullu isumassarsiullaqqissut, suleqataajumasut kiisalu
peqatigiilluartartut Tiliup festivaliani Live, Laugh, Leave no one behind-imi naapinneqarsinnaallutik.
Sineriammit peqatigiiffilerisut, nipilersortut, inuillu innarluutillit kiisalu
ilisimasallit innarluuteqarnermut tunngasumik oqaasissallit aamma peqatigiiffinni
eqqumiitsulianik tunisassallit takuneqarsinnaallutik.
NÛK’ assammik arsaattartut Starz pinnguartitsissapput tamanit peqataaffigineqarsinnaasumik.
Katuap inersuaaraani aamma paarlersuani festivale ingerlanneqarpoq.
tamanut kaffe, the kaagillu sassalliutigineqarlutik. Aaqqissuussaq pivoq arfininngorneq 30.april 2022
nal. 14.00-17.00
Line-up:
ISI, KTK, KNIPK, ADHD Kalallit Nunaat, Ingerlariaqqiffik, Nuummi Gigtertut Peqatigiiffiat,
NûK’ Håndbold Starz, Handicaptalsmand Anja Hynne Nielsen,
Særlig Rådgiver for BEVICA Fonden Jens Christian Wandel, Sugisaq,
Landsforeningen Autisme Kreds Grønland, KIIP, Malik Lennert Mølgaard
Nuuk Lokaludvalg aaqqissuussamut aningaasaliivoq
Tiliumi nuannaarutigeqisatsinnik inuit amerlasuut festivalemut takkullutik peqataapput
Sineriammi inuit innarluutillit peqatigiiffii assigiinngitsut saqqummermata tusarnaarneqarluarput
Kalaallit Tusilartut Kattuffiat sinnerlugu Fridolin aamma Lisa Nielsen saqqumerput
Inuit innarluutillit illersuisuat Anja Hynne Nielsen festivalimut orniguttunut tikilluaqqusivoq
ADHD Kalaallit Nunaat sinnerlugu peqataasut aamma siulittaasuat Josephine Damgaard Holding
KTK ussersorluni oqaatsinik assit atorlugit ilinniartitsipput
Nico Cortzen eqqumiitsuliaminik soorlu illunik titartakkanik aammali Japanimit Mangamiillu isumassarsiorluni eqqumiitsulianik saqqummersitsiutigaluni tuniniaavoq
Kattuffik ISI tappiitsunut ikiuutinik misiliisitsivoq
Nipilersortartoq Malik Lennert Mølgaard appisimaarpoq
Jens Wandel festivalimi aammali isumasioqatigiisitsinermi ataatsimiinnermilu nunarsuarmi anguniakkat naapertorlugit piujuaannartitsisumik ineriartortitsineq pillugu oqariartuuteqarpoq
Nuummi ulluunerani sammisassaqartitsivimmik atuisut aamma peqataapput
Sussi Ostermann KIIP-imi ilaasortaq sapakkanik suliaminik tuniniaavoq