Immikkoortoq 2 – Oqaatsit isumaat
Inuit innarluutillit pillugit isumaqatigiissummi oqaatsit ilaat uteqqiattumik atorneqarput. Uani oqaatsit qanorlu isumaqarneri atuarsinnaavatit:
Attaveqarneq
Attaveqarneq tassaavoq assigiinngitsutigut attaveqaqatigiinneq qanorlu paaseqatigiinneq. Oqaatsit atorlugit attaveqatigiinnerusinnaavoq imaluunniit naqitat assigiinngitsut aqqutigalugit attaveqarnerusinnaavoq. Assersuutitut qarasaasiaq atorlugu nipituumik atuffatsitsinnerusinnaavoq, imlt. toornerit naqitat atorlugit allannerusinnaalluni. Toornerit naqitat tappiitsut atuarnermikkut oqaaseqatigiinnik atuinermi atorsinnaavaat.
Oqaatsit
Oqaatsit tassaapput nipilimmik oqalunneq imaluunniit ussersorluni oqalunnerit. Oqaatsinik atuineq assigiinngitsutigut pisinnaavoq, soorlu titartakkat assilissalluunniit atorlugit.
Assigiinngisitsineq
Inunnut innarluutilinnut killilersuineq inuiaqatigiinniluunniit akuunissamut akimmisaartitsineq innarluutilinnik assigiinngisitsineruvoq.
Assigiinngisitsinerusinnaavoq, soorlu inuit innarluutillit allatulli pisinnaatitaaffeqarnerat atuutinneqanngippat.
Kalaallit Nunaanni Namminersorlutik Oqartussat qulakkeertussaavaat, Inuit innarluutillit inuiaqatigiinni akuutinneqarnissaat. Kikkut tamarmik peqataatinneqarnissaat inuiaqatigiit sulissutiginngippassuk tamanna assigiinngisitsinerussaaq.