Ersinngitsumik innarluutinga soqutigineqarluartoq
27.07.2020
NIIK aama Tilioq ulluni makkunani innuttaasunit ersinngitsunik innarluutilinnit saaffigineqartorujussuuvoq, taakkumi paasisitsiniaanissamut ”ersinngtsumik innarluutinga”-mut peqataanissaminnut soqutiginnipput.
-Innuttaasunit ersinngitsunik innarluutilinnit suliniummi peqataanissaminnut kajumittunit ulluni kingullerni saaffigineqartupilussuuvugut, aamma inuit illoqarfinni Sisimiut, Nuuk Qaqortullu immiussiffissatta avataanni najugqartut saaffiginnittarput, Nunatsinni Inuit Innarluutillit Kattuffianni siulittaasoq Anders Meilvang oqarpoq taanna nuannaqaaq suliniut innuttaasunit taama soqutigineqartigimmat tigulluarneqartigimmallu.
Dennis R. Ingemann ”Ersinngitsumik innarluutinga”-mut immiussilluni maanna Nuummiipoq kingornalu Qaqortumut aallassaaq. Taanna Sisimiuni Nuummilu inunnik ersinngitsunik innarluutilinnik, soorlu autisme-mik, naqinnernik ilisarinnissinnaannginnermik, ADHD-imik, Borderlinemik aamma tusilartuunermik innarluutilinnik immiussereerpoq.
-Qaqortormiunik imaluunniit qanigisaani savaateqarfinnit nunaqarfinniilluunniit peqataajumasunik suli amingaateqarpunga inuit ersinngitsunik aamma ersittunik innarluutillit, Dennis R. Ingemann oqarpoq. Taanna Qaqortumiissaaq 3. August – 17. ullunilu taakkunani immiussissalluni.
Namminersorlutik Oqartussat paasisitsiniaalluni suliniummut ”Ersinngitsumik Innarluutinga”-mut tapiissutinik aningaasaliisuuvoq.
Dennis R. Ingemann info@tilioq.gl-imi attavigineqarsinnaavoq aamma +299 238585