Juullimi pilluarnartumik ukiumilu nutaami pilluarnartumik kissaappassi!

Juulli qanilliartorpoq, uagullu maani Tiliumi ukioq manna juullimi inuulluaqqussuterput, tamassi immikkut qutsavigalusi nassiunniarparput, ilissiummat innarluutilinnut ataatsimoorfiusussami aporfiusartunik piiaaqataasut.

Tilioq, inuiaqatigiinni inunnik tamanit ilanngussinissaq siunertaralugu, ukiumi aggersumi pimoorussilluni suliniutigeqqinniarpaa. Inuiaqatigiit tassaasariaqarmata, tamatsinnit akisussaaffigineqartoq suleqatigiiffiusorlu, qulakkeerniarlugu, Nunarput Naalagaaffiit Peqatigiit Innarluutilinnut isumaqatigiissutaat  aamma Nunarsuaq tamakkerlugu anguniakkatut piumasarisat naammassisinnaassallugit.

Tiliup juullimi pilluaqqusutaa Nico Cortzen-imit sananeqarpoq.

Nico Cortzen oqarpoq:

“Hej. Uanga ateqarpunga Nicoliinnguaq Cortzen taasarpaannga Nico. Tiktokimilu Coco. Autismertuuvunga taasarpaat Autitisk træk.

eGUX-imi naliginnaasut akornanni ilinniartuuvunga nuanneqaaq. Atuakkagut qallunaatuukkajummata amerlanertingut qallunaatuut paatsiveerussutingilaartarpakka, tuluttullu ajornani.

Kammattaannguama Liveqatigisartakkama ilannguata atsernikuungaminga nuannivittaqingami. 

Ilaatingut attaveqarniarneq kammaqarniarnerlu ajornartorsiutingisarpara, inuit ilarpassui kinaassusersiortannguatsiaramik. Assersuut Tiktokkikkut ilaasa blokeereriasaartarpaannga, annernartumillu tuninngikkaluarlungit.  Namminneq taamaariasaaginnartarput

Siunissami illunik ikiuisarnissara sinnattuma ilangivaat soorlu amiisoq sanasorluunniit, illut assorsuaq nuannarisaraakka asaqalugillu ikinngutima imaalisarpaanga "aasiit illut." Aammattaaq Jaapanimi tegneserieliortutut ilinnialerusullunga sinnattoriuaannarpara. Aamma Jaapanimiusut paasisinnaavunga oqaluttarlungalu. 19-imi Japan kiserrassuarma angalaarnikuuara inuttut pissarsiaqaatingisannik. 

Eqqumiittuliortutut Nuummi naammassinikuuvunga, sulilu qaffasinneq angorusullungu.

Qujanarlu, Juullisiorluassamaarisi ukiortaamullu iserluarisi Nico Coco Cortzen.”

Tamassi juullimi pilluarnartumik ukiumilu nutaami pilluarnartumik kissaappassi.