Qanoq iliornissamut nukissaq : Inuit innarluutillit sapaatip akunnerat 2023

Hej tamassi,

Inunnut innarluutilinnut sapaatip akunnera 41 Tiliumi uatsinnut ukiumi piffissat pingaarnerpaat ilagaat. Tassani inuit innarluutillit pillugit suliassaqarfiup iluani eqqaasitsinermut kiisalu ilisimasanik avitseqatigiissitsinissamut periarfissaq atortarparput.

Ukioq manna inunnut innarluutilinnut sapaatip akunneqartitsinermi sammisaq tassaavoq Qanoq iliornissamut nukissaq, tassungalu atatillugu Tiliup maajimi 2023-mi isumasioqatigiinneranit pissarsianik, aaqqiissutissat nutaaliaasut pillugit oqaloqatigiikkusuppugut. Isumasioqatigiinnermi inunnit innarluutilinnit assigiinngitsunit, imaluunniit allanit, aporfiit kiisalu aaqqiissutaasimasut takusimasatik pillugit pingaarutilinnik ilassuteqartunik tusarnaarneqarpugut. Tamakku tamarmik – annertunerulaallu – maannakkut saqqummersitami Takorluukkat Piviusunngorsinnaapput katersorneqarput, atuarnissannullu qilanaartorujussuuvugut. Uani nassaarisinnaavat: https://tilioq.gl/ilisimasaqarfik/tiliup-saqqummersitai/ 

Saqqummersitamut uunga kiisalu suliniutitsinnut annertunerusumut, inummik taassumalu aporfiinik ukkatarinninnermut tunngasumut peqatigitillugu, digitalimik sakkussaasivipput annertusinikuuarput, illit inuttut innarluutilittut imaluunniit inummut innarluutilimmut qanigisaasutut, pisinnaatitaaffinnik, naammagittaalliorsinnaanermut periarfissannik paasinninnissamut ikiuutaasinnaasut, maannakkullu suliamik suliaqarnerup ingerlariaasii ukkatarinikuuagut. Innuttaasunit tusartuartarparput qanoq ajornartiginersoq, pisortanit ikiorneqarnissaq pisariaqartitartik pissarsiarissallugu. Ersarippoq ingerlariaatsit pitsaanerusut, kiisalu systemimi tassani ikiorneqartussat pitsaanerusumik ikiorneqarnissaat pisariaqartinneqartoq.

Taamaattumik ilisimasanik iluaqutissanillu quppersaganngorlugit katersinikuuvugut, taakkunani paasissutissat ujakkatit sukkasuumik nassaarisinnaavatit. Ilaatigut taakku illit, qanigisatit imaluunniit meeqqatit innarluuteqalissagaluarpata qanoriliorsinnaaninnut tunngapput, suliap suliarineqarnerata ingerlanera pillugu suut ilisimasassarineritit allanilu, pisortanut attaveqarnermi nalornissutaakkajuttartunut ikiuutissat. Uani tamaasa nassaarisinnaavatit https://tilioq.gl/saaffik/suliassamik-isumaginninneq-paasiuk/ 

Suliamik suliaqartunut aamma malitassamik suliaqarnikuuvugut, innuttaasunut avatangiisimik toqqissisimanartumik isumannaatsumillu pilersitsinissamut kiisalu atassuteqarnermik pitsaasumik pilersitsinissamut iluaqutaasinnaasumik. Iluaqutissanik pitsaanerpaanik ilisimasassatullu pisariaqartitassinnik tamanik, suliamik suliaqarnerni ingerlariaatsinik pitsaasumik aqqusaagaqarnissamut sakkulersorusukkaluarlusi, aallaavittut pisortat tassaapput, ikiorneqarnissamut pisinnaatitaaffissinnik qulakkeerinnittussat. Taakku ilungersoqataanngippata, annertuumik angusaqarsinnaanngilagut.
Aaqqiissutit assigiinngitsut oqaluttuarinerussavagut aamma iluaqutissat pilersitagut pillugit Facebookitsinni sapaatip akunnera una tamaat, ilissinnut oqaluttuarissavagut. Neriuppugut malinnaaffigilluarumaarisi,

pissarsiaqarfigilluarumaarisilu. Facebookikkut malinnaaffigitigut una toorlugu: https://www.facebook.com/Tilioq 

Qujanaq Tilioq misissorakku. Neriuppugut suliagut ugguuna kiisalu inuit attaveqatigiittarfiisigut malinnaaffigiinnarumaaritit.

Maannamut qujanaq!